Музъемез гырись,
выль улон кизись,
корка пуктӥсь,
гур поттӥсь,
вӧсясь,
улон крезьёсын шудӥсь,
ӟечезлы - кужмо,
кыллы - визьмо,
сюлэм дартэныз кырӟась,
эрик кылдытӥсь -
Айы.
Кызьы гур ас котыраз
быдэс коркаез возе,
озьы ик айы - мумыез.
Кызьы Музъем берга
возись шор котыртӥз,
озьы ик айы воземъя
мумы
улэ-вордэ-кырӟа.

Eesti keeles / На эстонском / Эстон кылын
Ӟуч кылын / На руссом языке