Туннэ
кызьы ке но мукет сямен
ортчиз нуналмы.
Кызьы ке но укыр шара
тон астэ возид.
Кесяськид: "Ура!" "Ура!"
"Малы ӧвӧл удмурт аракы
татын али?!" -
сэзъяд мыжыкеныд.
Шумпотыса верад выль малпандэ:
"Янгышъёсын 
зэмос быгатонлык!"

Туннэ кызьы ке но мукет сямен
ортчиз нунал.
Туннэ бадяр куар выло книгамес 
кытчы ке но сётӥм, келям.
Туннэ кыӵе ке но мукет сямен 
монэн вераськид:
я укыр визьмо, мӧйы воргорон нодлыкен,
я укыр йӧнтэм пичи пи сямен.
Туннэ кызьы ке но мукет сямен
ог-огмес куно карыны тыршим:
чаен-кофеен, 
картошен-кампетэн-ӝукен.
Туннэ кыӵе ке но мукет сямен
уг пот вал тонэн люкиськем.
Туннэ кыӵе ке но мукет сямен
мае ке но вити на дорам бертыса, 
огнам кыльыса.
Жингыртӥд шӧдтэк шорысь:
- Кытын тон?
- Нош тон?
Таллин но ас интыяз, лэся,
вордӥськон нунал но 
куарусён.

Ӟуч кылын / На руссом языке