nadimy.narod.ru

 
  "Пичи ныл автобусын мынӥз…" карта сайта кутсон бам
Кылбур
Проза
Берыктэм ужъёс
Выль лыдӟет
Библиографие
Патрет
Гожты мыным
© 2005-2006 Petrov2

* * *

Пичи ныл автобусын мынӥз.
Ассэ туж урод возиз,
пуконэз вылэ тубыса,
артэ пукись анаез шоры учкыса,
чангес куараеныз 
автобусысь вань кылыклы кесяськиз:
- Кош чаляк татысь!
- Кош чаляк татысь!
Со автобусын ик мынӥсь 
пичи пияш 
нылаш шоры
бадӟым синъёсын,
ымзэ ик усьтыса, 
инсьӧрысь усем
арбери шоры кадь 
учкыса улӥз.

Кышномурт 
пиосмурт шоры
кесяськиз:
- Кош чаляк татысь!
- Кош чаляк татысь!
Пиосмурт со шоры
бадӟым синъёсын,
ымзэ ик усьтыса, 
инсьӧрысь усем
арбери шоры кадь 
учкыса улӥз.

Ӟуч кылын / На руссом языке

 

Используются технологии uCoz