Малы меда йыр вылын 
Сяськаос уг будо?
Нош будо соос кырын,
Луд вылын, тэльын но.
Йырсимы милям будэ…
Озьыен, мерттын, дыр,
Йыр вылам сяська кулэ!
Тулыс ик кизё ни!

Сузэрелы мон мертто
Одно чебер роза.
Одно кидыссэ шедьто.
Розалэсь ӵыдод-а?
Анайлы ке чагиськиз,
Ачиз ик бӧрдоз ведь:
Одӥг чебер нуналэ
Кыйбоды куртчоз вӧсь.

Нош аслым, дыр, мон мертто
Узы, боры, льӧмпу…
Дышетсконо вал одно
Будэтыны кызьпу…
Луысал соку йыры
Ваньмызлэсь ик чебер:
Котыр тэль, шыпыт, шулдыр,
Кисьма узы, намер!