Ачим сярысь

Мон, Пчеловодова Надежда Алексеевна, вордӥськи Алнаш ёросысь Кадикгуртын.

Будӥ Алнашын.

Гожъясько кылбуръёс, выжыкылъёс. Та дыре удмурт кылэ берыктӥсько эстон литератураез. Соин валче 2004-тӥ арысен дышетскисько Таллиннысь педагогикая институтын, дышетӥсько эстон кылэз но литератураез.

Мон понна дуннеысь чеберез инты – со Дор, кыӵе но йырпоромымон выль мед луозы Сюресъёс, – ваньзы соос доре берто.

Дуннеысь мусоосыз адямиос – со Анай, Атай, Вын, Ӵыжы-Выжыос.

Дуннеын улонлы ӟечез инъет – анай-атай кыл, калыкедлэн улон эсэпъёсыз, тодон-валан.

Дышетскыны луэ инлэсь но, шундылэсь но... Эшшо но умойгес дышетскыны матысь, киын йотылыны сузьымон адямиослэсь, Дышетӥсьёслэсь, кудъёсыз пушкысь адске ин но, шунды но.

Дуннеын маке трос-трос луыны быгатэ ке, со – Эшъёс. Бен, соос ачиз улон кадь, бергаса вошъясько: кин кытчы, кин кытын. Бадӟым дунне муш палэп кадь. Но котькудӥз улэ малпанъёсам, – кин матынгес, кин кыдёкынгес. Соос – Дуннелэн туннэ тусыз но ӵуказе улонэз.

Нош пумтэм-йылтэм маке вань ке – со уж! Сюлэмылы кельше ке, пӧрме.