"Ижкар интыын азьвыл…"

Ижкар интыын азьвыл сылэм туж чебер удмурт гурт. Нюлэсъёсын трос луэм тодмотэм пӧйшур. Пӧйшурлэн синмысьтыз Вӧсясь адӟем кышканэз но кайгуэз. Ӝоген озьы учкыны кутскизы гурт калык синъёс но. Удмурт шаере лыктизы Муртъёс. Куашказ котырысь Нюлэс, быземысь дугдиз Шур. Ву улэ ышиз пересьёслэн Музъемзы. Виизы Вӧсясьлэсь пизэ. Ӵыпет улэ ватӥзы солэсь шӧйзэ. Вузиз вӧсясь. Куриз пиезлэсь мугорзэ. Малы меда ӧз сётэ… Вӧсясь куасьмиз. Солэн лулыз ӧз луы Юсь, кылиз пиез доры, ӵыпет улэ. Арлы быдэ ӵыпет дорысь музъем кыклы пилиське. Ас поннам вӧсь ортчытӥсько. Пилиськем сюлэмме Вӧсясьлы курбон сётисько. Кӧня меда пушкам выль сюлэм вордӥсь кужымез?
Малы мон аслым сыӵе юан сётӥсько…