Льӧмпуос будо-а, уг-а
Кыдёкысь шаеръёсад?
Кырӟанъёс но кылӥськод-а,
Кудъёссэ дорын кырӟад?

Льӧмпуэз котьку тодад вай
Капка азьын будӥсьсэ.
Кырӟан гуръёсты тӧдад возь
Анайлэсь кырӟамъёссэ.

Котырысьтыд выль куазьёсыз
Льӧмпу сяськая тодод.
Пумитам муртъёсыд сярысь
Кырӟан кылыд вералоз.

Укно улысь льӧмпу шоры
Тон шоры кадь учкисько.
Мынэсьтым но адӟемъёсме
Мед адӟод кадь потӥсько.

Анаймылэсь кырӟан гурзэ
Шулдырак мон мытӥсько.
Тон но монэ кылӥськод, кадь,
Ӵош кырӟам кадь потӥсько.