Пунымтэ-кутымтэ, 
эрико бабляосын 
ӵукна
жалем возь вамен
дорад бызьыкум кадь. -
Котьку таӵе шудо луэме потэ.

Ӝог пӧсь ужын
секыт юанъёсме
капчиен валэктыкуд,
ужан гур сётэмедъя 
нунал лумбыт
ужакум кадь. -
Котьку таџе шудо луэме потэ.

Кылъёстэк, ваче учкыса 
мылкыдэз валан дыръя кадь, 
улонлэсь мынэмзэ 
шӧдонэн тырмем 
акшан омырын шуныт киостэ
бам вылам поныкуд кадь. -
Котьку таӵе шудо луэме потэ.

Воргорон кужымдэ
ас вылам басьтыса,
вакытлэн инсьӧр бусыосаз 
уин кизем кидысэдлы
шумпотыкум кадь. -
Котьку таӵе шудо луэме потэ.

Ӟуч кылын / На руссом языке