"Огпол мон кылӥ…"

Огпол мон кылӥ, кызьы кырӟа султатэк кыллись туж пересь кышномурт. Мон нырысь ӧй оскы, собере кӧшкемай. Макем со вал егит, кужмо но чебер куара! Малпалод, кырӟа кытын ке но егит-егит ныл… Пересьлэн ымыз ӧз ик выры кадь нош кырӟан вол-вол потӥз, эрико Макем уг тупало вал пересьмем-вужмем, кисыриё, начар, куасьмем, пичи гинэ кылем мугор но улмо сяська, со пушкы пырись майсы сярысь кырӟан гур, сокем егит куара. Пересь туж шорам учкыса кырӟаз, синъёсыз мае ке но курыса-косыса шорам учкизы. Нош мон мар карыны ӧй тоды. Сыли валес дораз мыняса. Кошкыны но, бӧрдыны но дисьтытэк.