Кинлы кулэ 
Кулэтэм маке
Дунтэмен вузасько
Басьтэ басьтэ басьтэ
Бырисьтэм быронлы
Кин бырем
Лыктэ лыктэ татчы
Нырысетӥезлы – дунтэмен

Дыдыке,
Ват монэ
Небыт гонад,
Ну монэ
Адскисьтэм сюресэтӥд
Чеберлэсь но чебер
Шундыё дуннеяд.
Шунты монэ
Сюлэм гур котырад.
Кӧлты монэ
Бадӟым но кужмо
Небыт бурд кӧкыяд.
Гурла, гыдыке, гурла,
Мон пичи изё.

Тулыс, гужем, сизьыл но тӧл —
со инкуазь рад
Нуны сюан, сюан, кисьтон —
со улон рад
Ачим гинэ та радъёсын радтэм маке.

Кыр туганэ тон,
Лудмем батыре,
Кыр заные,
Сьӧлыко крезьгуре

Куто выль тетрадь —
Тынэсьтыд бамдэ.
Отчы
Суредало выжыкылмес.
М-да,
Вакчи луиз учыр —
Пал бам:
Тӧдьы-тӧдьы дунне, чус,
Котыр сюрес вожъёс трос,
Отчы-татчы сьӧдэсь гожъёс, — пус
Милемлы пукто шораз ик. —
Лёгалозы-а?
Уз!