Тазьы азям ик
Эн быдты уждэ.
Али азям ик
Тодад эн вай серекъяса.
Туннэ яратонэлэн 
Ньыльдон уез тырме.
Эн улы горыса.
Шыпыт гинэ
Берпуметизэ учкы,
Берпуметизэ яраты.
Берпуметизэ суреда.

Али дуннеям мар луэ?
Эшшо одӥгез яратон 
Кошке сопал дуннее.
Со вал чебер. Шыпыт
Келя сое…
Табере яраты яратондэ:
Шумпот бӧрдыса,
Вера дышетэм кылдэ,
Кошкы «тау» шуыса.

Инсьӧр дуннеяд мон
лыкто куттэмпыд,
усьто капкадэ,
тубо тубаттӥд,
гурад тыл поно,
пӧзьто ӵорыг лым,
мисько выжъестэ,
эсто мунчодэ,
сюсьтыл ӝуато…
Тонэ возьмало.