Мон понна дуннеысь чеберез инты - 
со Дор, 
котькыӵе йырпоромымон выль 
Сюресъёс мед луозы, - 
ваньзы соос доре берто. 
Дуннеысь мусоосыз адямиос - 
со Анай, Атай, Вын, ӵыжы-Выжыос. 

Дуннеын улонлы ӟечез инъет - 
анай-атай кыл, 
калыкедлэн улон эсэпъёсыз, 
тодон-валан. 

Дышетскыны луэ книгалэсь но, шундылэсь но... 
Эшшо но умойгес дышетскыны матысь, 
киын йӧтылыны сузьымон адямиослэсь, 
кудъёсыз пушкысь адске ин но, шунды но.

Дуннеын маке трос-трос луыны быгатэ ке, 
со - Эшъёс. 
Соос ачиз улон кадь, 
бергаса вошъясько: 
кин кытчы, 
кин кытын. 
Бадӟым дунне муш палэп кадь. 
Но котькудӥз улэ малпанъёсам, - 
кин матынгес, кин кыдёкынгес. 
Соос - Дуннелэн туннэ тусыз но 
ӵуказе улонэз.

Нош пумтэм-йылтэм маке вань ке - со уж! 
Сюлэмылы кельше ке, 
пӧрме.

Ӟуч кылын / На руссом языке