Тонэн артэ луыса но
тынэсьтыд мӧзмыкум,
кылъёстэ кылзыса но
уг ке кылӥськы,
валаны тыршыса но
уг ке валаськы,

янгышен,
валатэк,
шӧдтэк шорысь

куштэм,
шуккем,
уськытэм

кӧшкемыт
вӧсь карись,
ултӥясь

учкемдэ,
верам кылдэ,
выростэ

олокызьы гинэ шӧдыса,
ас сяменым валаса
пушкы тыре ке,

нянь пыжеме потэ.

Чылкыта озьы
котырысьтым 
оло омыр,
оло улон.
Оло озьы
кӧтсэс тыро
но буйгало
сьӧлыкъёсы.

Ӟуч кылын / На руссом языке