Туннэ вылтӥм 
тодмотэм,
азьвыл адӟылымтэ
пичиесь пластелинлэсь лэсьтэм
выллем лулоос
ньыльпыдъяськыса 
ветлӥзы,
пичи мыжыкъёсынызы
монэ жугиськом, дыр, шуизы,
мылкыдзы урод вал,
пиньтэм ымъёсынызы
монэ куртчылӥськом, дыр,
малпазы.
Ӧвӧл, мыным чик но вӧсь ӧй вал,
шуысал: мугорылы вал умой.
Нырысьсэ сыӵезэ шӧдӥ.
Нош синмыным адӟи
со макеослэсь мыным вожпотэмзэс,
монэ тышкаськемзэс.
Валаны ӧй тыршы,
тодэме ӧз поты,
мар понна соос сокем вожзэс потто.
Соос мынам дуннеысьтым ӧй вал ук,
олокытысь вылам лыктэм лулоос.
Нош мон кылли аслам валесам,
улӥ аслам дуннеям.
Соин мон со лулоослэсь бӧрысь юрдӥ,
мугоры кӧшкемаз,
пиньы ик висьыны кутскиз.

Ӟуч кылын / На руссом языке