Одӥг льӧмпу мукетызлы салам ыстӥз
сю иськемъёс пыр
сяська бабляеныз шоназ тулыс
омыреныз котыр дуннеез шулдыртӥз
тӧл тыршытэк нуллӥз иворзэ
сюрес вылысен ыштылӥз мылкыдлэсь шор шодонзэ
жадем кизили дорозь пазьгиськизы шыпыртэмъёс
Мае тодӥзы та паймымон выжыкыл писпуос
яратон сярысь
сяська бурдъёс музъемез лымыен согыку
ӵаккес сьӧд льӧм мульыос
синъёслэсь ватскыку
шуям куаръёс сӥзьыл музэ усьыку
гольык вайёсысь пучыос лушкем тордыку
мае тодӥзы соос
быдэс дуннеез басьтыны тыршыкузы