Асьмеос кык розаос 
та кырыж вазаын
одӥгез югыт мукетыз пеймыт
кудӥз кин акшан дыре уд вала
сяська бурдъёсмы буртчин
веньёсмы ялан вир куро
кутскыса ог-огмес эркияны
ми дасесь вӧсь бышкалскемлы
кутскиськомы ке поттаны огмылэсь огмы веньёсмес
ыштӥськомы аспӧртэмлыкмес асваланмес
соку малпаськомы розаос ик-а меда асьмеос
кышкаськомы вазаысь ву зынмоз
шундылэсь пегӟиськомы вужеръёсамы
сяська потонъёс лэйкало дунне сильтӧлъёс вадьсын
веньёс шедьыло на ваза борды
куддыръя лушкем тӧл
мыкыртэ йыръёсмес 
асьмеос кык огшоры розаос
та кырыж дуннеын