Егит дусымед куртчылыса вешаз тонэ,
пинь кужыменыз тыршиз
кемалыгес кельтыны тонэ
кужмо, сӥлё-виро мугор пушказ.

Кышноед, пӧямдэ тодытэк,
но омырез шӧдыса,
аслыз валантэм пуш вожанэн гомаз,
аслыз паймылыса,
коскатозяз
пӧсь валесаз тонэ погмаз.

Шузимыса яратылӥд
огзэ я мукетсэ,
кыксы ик улӥзы 
вожан но яратон 
пумъёс вискын
жингыртыса.

Пушкад кыстӥськылӥз,
йырйиз тонэ
эсэптэ валан.
Кык яратонлэн, кык вожанлэн
висказ
тон гур сётӥсь вал.

Тыныд кельшиз
та вакытэ
кылдӥсь но мугордэ кесясь
крезьгур гож.

Eesti keeles / На эстонском / Эстон кылын